 |
 |
 |
 |
| [b]Привет всем! Уважаемые посетители! Ждем от вас новостей! |
| Уйна, ҡурай, күктән йәм шаулаһын…” | Новости » Культура |
| Эй ҡурайым – ҡыуғынам!Һине уйнап ҡыуанам.Үҙем уйнап, үҙем тыңлапМоңдарыңа йыуанам.(Ғ. Ильясов)Хөсәйен Әхмәтов исемендәге Башҡорт дәүләт филармонияһында бай эстәлекле, зауыҡлы концерт программалары йыш уҙғарылыуы күңелде һөйөндөрә. Уларҙың һәр береһе үҙенсәлекле булыуы, матурлыҡҡа ҡоролоп, юғары кимәлдә башҡарылыуы менән башҡа мәҙәни усаҡтарҙа уҙғарылған тамашаларҙан айырылып тора. Шуларҙың береһе, 30 октябрҙә башҡорт халҡының төп уйын ҡоралы булып торған ҡурайға арналған «Уйна, ҡурай, күктән йәм шаулаһын…» байрамы. Халыҡҡа боронғо милли уйын ҡоралыбыҙҙың бөгөнгө булмышын күрһәтеү, уға моңон таратыусыларҙың йөҙөн танытыу кеүек изге маҡсаттан сығып ҡуйыла был концерт программаһы. Көҙ айында уҙғарылған тамашала халыҡ мәшһүр ҡурайсылар тарафынан яңғыратҡан халҡыбыҙ ынйыларын тыңлап кинәнер, ҡурай моңо илендә сәйәхәт ҡылыр. Был концертта баш ҡала халҡы ҡурайҙың бөгөнгө булмышын, уның үҫешен күреү, моңон, яңғырашын ишетеү мөмкинлегенә эйә буласаҡ. Ҡурайҙың оркестрҙа, эстрада аранжировкаһында яңғырашын һәр кемдең күңеленә хуш килер. Ә инде халҡыбыҙҙың рухи ҡомартҡыларынан һаналған “Урал”, “Сәлимәкәй”, “Сибай”, “Буранбай”, “Йәйәүле Мәхмүт”, “Бейеш” кеүек мәшһүр классик көйҙәребеҙ, һирәк яңғыраған “Көтөр батыр”, “Ҡағы ташы”, “Ялан Йәркәй”, “Юшатыр”, “Күбә ташы”, “Ҡыҙыл буйы бүҙәнә” кеүек үҙенсәлекле моңдар юғары сәнғәт өлгөһө булып яңғырар. Был ҡурай байрамына республикабыҙҙың билдәле ҡурайсылары йыйып уҙғарылған был концерт шул яғы менән дә уникаль: тамашала исемдәре республикабыҙҙа ғына түгел, сит тарафтарҙа ла танылған мәшһүр ҡурай оҫталары: Азат Айытҡолов, Ишморат Илбәков, милли уйын ҡоралын үҫтереүгә үҙ өлөштәрен индергән данлыҡлы халыҡ ҡурайсылары, йәш профессионалдар Рушан Биктимеров, Азат Биксурин, Рөстәм Шәрипов һәм башҡалар ҙа ҡатнаша. Концерт программаһында шулай Башҡортостан Республикаһыныү халыҡ ҡоралдары милли оркестры (етәксеһе – Башҡортостандың халыҡ артисы Р. Ғәйзуллин) һәм “Эстрада-джаз оркестры” (етәксеһе – О.Ҡасымов) сығыш яһай. Ҡурай байрамы һеҙҙең күңелдәрҙә онотолмаҫ хәтирәләр ҡалдырыр. Рәхим итегеҙ!Программала:11-00 Ҡунаҡтарҙы теркәү ваҡыты14-00 Башҡортостан республикаһы ҡурайсылар союзының йыйылышы15-00 Мастер-класстар18-00 Халыҡ музыка ҡоралдарының һатыу күргәҙмәһе19-00 Халҡыбыҙҙың мәшһүр ҡурайсылары ҡатнашлығында ҙур концерт
Сценарий авторы һәм режиссеры – Сәйҙә Ильясова |
|
| | Напечатать | Комментарии (0) | |
| [28 сентября 2010] | Просмотров: 20 Автор: admin | Оцени статью! Наведи на шкалу! |
{sms}
{allpages}