| Новости » Культура | ||
 20 ноябрь Хөсәйен Әхмәтов исемендәге Башҡорт дәүләт филармонияһында Башҡортостандың атҡаҙанған артисы, С. Юлаев исемендәге дәүләт премияһы һәм Бөтә Рәсәй халыҡ йырҙарын башҡарыусылар конкурсы лауреаты Ғәли Хәмзиндың «Беҙ ҡабыҙған уттар һүнмәһен…» исемле хәтер кисәһе уҙа. Ғәли Хәмзин Башҡортостанда ғына түгел, Рәсәй, сит ил сәхнәләрендә лә сығыш яһап, бик күп тамашасыларҙың һөйөүен яулаған маһир йырсыларыбыҙҙың береһе була. Ул ынйы-гәүһәрҙәргә тиң халҡыбыҙ моңдары менән бер рәттән классик, эстрада йырҙарын да берҙәй оҫта, юғары кимәлдә башҡарған киң диапазонлы профессиональ йырҙар башҡара ине. “Йәдкәр” фольклор-эстрада төркөмөнөң тәү маҡсатына тоғро ҡалып, юғары маҡсаттарға ирешеүендә Ғәли ағай Хәмзиндың хеҙмәте баһалап бөткөһөҙ. Ғәли Хәмзин Абдулла Солтанов, Иншар Солтанбаев, Сөләймән Абдуллин кеүек үҙ аллы ижад мәктәбен үткән йырсы ул. Ул милли мираҫыбыҙҙы тамашасыларға үҙенең ҡабатланмаҫ тауышы менән еткереп, башҡорт йыр сәнғәтен юғары баҫҡысҡа күтәрә. Йырсы булып китер алдынан Ғәли ағай бик күп төрлө һөнәр эйәһе була: слесарь, балта оҫтаһы һәм башҡалар. Ә иң тәүге профессияһы – водитель. Ауыл кешеһе булараҡ Ғәли Хәмзин ер эше менән булышырға бик әүәҫ. Бала саҡтан йырсы булыу хыялы менән йәшәгән Ғәли Хәмзин үҙ маҡсатына ирешә. 1985 йылда Краснодар ҡалаһында үткән халыҡ йырҙарын башҡарыусылар конкурсында лауреат исемен яулап, 1 премияға лайыҡ булыу, артистың артабанғы ижадына көс-дәрт өҫтәй, этәргес булып тора. Ғәли ағай ҡатыны Зөмәрә апай өсөн ышаныслы һәм һөйөклө тормош юлдашы, ике улы өсөн өлгөлө һәм хәстәрлекле атай ине, ә халҡы өсөн һәр ваҡыт йырсы булып ҡала. Рус һәм Көнбайыш классик әҫәрҙәрен дә оҫта башҡарған Ғәли Хәмзиндың сығыштарын Башҡортостан халҡы ғына түгел, сит ил тамашасыһы ла һәр саҡ көтөп алып, дәррәү алҡыштар менән оҙата -ҡаршы ала ине. Ғәли Хамзиндың ижадын һөйөүселәрҙе 20 ноябрь Х.Әхмәтов исемендәге Башҡорт дәүләт филармонияһының Ҙур залына саҡырабыҙ. «Беҙ ҡабыҙған уттар һүнмәһен…» исемле хәтер кисәһендә йырсыны иҫкә алыр өсөн уның бик күп ижадташтары сығыш яһар. Улар араһында Тәнзилә Үҙәнбаева, Азат Айытҡолов, Радик Вәлмөхәмәтов, Римма Амангилдина, Венера Рәхмәтуллина, Азамат Тимеров, Сәйҙә Ильясова, Илшат Ишморатов, Урал Мортазин, Нәсимә Тимерова, Сибәғәт Яруллин, Рим Гәрәев һәм башҡа бергә ижад иткән дуҫтары ла ҡатнаша. Ғәли Хәмзиндың ижадын һөйөүселәрҙе был хәтер кисәһендә көтөп ҡалабыҙ!Башлана 19.00 сәғәттә
Билеттар заказы 250-77-42 телефоны буйынса ҡабул ителә
|
||
| | Напечатать | Комментарии (0) | ||
| [20 октября 2010] | Просмотров: 355 Опубликовал: admin | Оцени статью! |
Информация
Комментировать статьи на нашем сайте возможно только в течении 30 дней со дня публикации.
{allpages}