Очаг сибирской язвы в д.Исхаково во время наводнения » Новости Уфы, главные новости Башкортостана / Bash-Portal.Ru

Очаг сибирской язвы в д.Исхаково во время наводнения

Аҙнанан ашыу барған ҡойма ямғырҙар һөҙөмтәһендә ауыл осондағы себер язваһы ҡалдыҡтары тотошлай һыу аҫтында ҡалды һәм Оло Ҡыҙыл йылғаһы уның аша үтеп Исхаҡ ауылы буйлап ағып ятты. Белеүегеҙсә, Исхаҡ ауылы Оло Ҡыҙыл Йылғаһы буйында урынлашҡан ауылдарҙың иң беренсеһе, тимәк ошо зарарлы һыу Исхаҡ ауылын ғына түгел, беҙҙэн түбән ятыусы Буранғол, Һәйетҡол, Ишкилде,Үтәгән, Амангилде, Рысҡужа һәм районыбыҙҙың башҡа Оло Ҡыҙыл буйында урынлашҡан ауылдарына ла ағып төштө тигән һүҙ!!!

Ошо себер язваһы ҡалдыҡтары тураһында бөтә район депутаттары ла, быға тиклем район башлығы булып эшләгәндәр ҙә, әлеге мәлдә эшләүсе Р.Һ. Сынғыҙов та аныҡ белә. Был турала “Йәшлек” гәзте лә ҙур ғына мәҡәлә яҙып сығарған ине, тик ниңәлер был мәсьәләне береһе лә ошоға тиклем хәл итә алманы. Ошо ташҡынды көттөлөрме ни?Һеҙҙән ярҙам көтәбеҙ. Ташҡын һөҙөмтәһен бөтрөү өсөн республика бюджетынан бүленәсәк ярҙам эсенә ошо себер язваһы ҡалдыҡтарын бетонлап саркофаг эсендә ҡалдырыу өсөн дә аҡса бүлдертһәгеҙ ине. Район үҙе генә хәл итә алмай икән, республика ярҙамы менән булһа ла өлгөрөп еткән мәсьәләне күмәкләшеп хәл итеп ҡуяйыҡ!!!Әлбиттә, беҙҙен ауылда ла был ташҡын ныҡ ҡына ҡоторҙо, күп йорттар һыу эсендә ҡалды, баҡсалар, сабынлыҡтар тураһында әйтеп тораһы ла юҡ. Ләкин, аңлауығыҙса, әлеге ваҡытта һүҙ бөтөнләй ул турала бармай. Уныһын ғына урындағы, үҙебеҙҙен депутаттар, ауыл хәкмиәте, район админстрацияһы хәл итер, ярҙамдарынан ташламаҫтар тиеп ышанабыҙ. Ә бына элек-электән килгән себер язваһы мәсьәләһе хәҙер нисә йылдар буйына ауыл халҡыөсөн генә түгел, тотош район халҡы өсөн ҡурҡыныс тыуҙыра.

Республика етәкселеге беҙҙе ишетер тигән өмөттә ҡалабыҙ.