Руль тотор алдынан уйлан » Новости Уфы, главные новости Башкортостана / Bash-Portal.Ru

Алкоголле эсемлек ҡулланырға яратыусыларға ҡарата тәртип ҡағиҙәләре ҡатыланғандан-ҡатылана бара. Әллә ил яйлап айнығамы? Һәр хәлдә, аңламағандар ҙа етерлек. Белеүегеҙсә, иҫерек водителдәргә лә, әгәр тотолһа, яуап бирергә тура килә – штрафтарҙың күләме арттырылды.
Өфөнөң бер кешеһе, мәҫәлән, автомобилдә эскән килеш йөрөгәне өсөн 200 мең һум штраф түләйәсәк. Шуға өҫтәп, ул ике йылға водитель таныҡлығынан да яҙҙы. Ә бит был ахмаҡ бер тапҡыр ҙур ғына сумма штраф түләгән булған. 2014 йылда иҫерек килеш тотолған да, 30 мең һумын түләтеп, “право”һын тартып алғандар. Аңламағас, аңламай шул ҡайһы берәүҙәр.