 |
 |
 |
 |
| [b]Привет всем! Уважаемые посетители! Ждем от вас новостей! |
| Студент та, журналист та, йырсы ла ҡыҙ матур хыялдар менән йәшәй | Новости |
 Һүрәттәге алсаҡ йылмайып ултырған ҡыҙ — Бишауыл-Уңғар ауылы һылыуҡайы Алһыу Фәхретдинова. Ул үҙен мәктәп йылдарынан уҡ төрлө яҡҡа һәләтле икәнен күрһәтә. Район, республика кимәлендә ниндәй генәһын – Алһыу унда. Спортта ла һынатмай, «Уңғар» драма түңәрәгендә лә шөғөлләнеп өлгөрә. Хатта химия өлкәһендә лә үҙен һынап ҡарай: ауыл ҡоҙоҡтарын тикшереп сыға. олимпиада-конкурстар булма Башҡорт рухлы Алһыу 4 йыл рәттән «Урал батыр» эпосын ятҡа һөйләүселәрҙең республика кимәлендәүткәрелгән конкурсында ҡатнаша. Тырышлыҡтары бушҡа китмәй уның, мәктәпте көмөш миҙалға тамамлай һәм бер юлы 3 (!) юғары уҡыу йортона уҡырға инә: БДУ-ның башҡорт филологияһы һәм журналистика, география факультеттарына, БДПУ-ның филология факультетына. Әлеге көндә Алһыу БДУ-ның башҡорт филологияһы һәм журналистика факультетының журналистика бүлеге студенты. Журналистика өлкәһен һайларға мәктәп йылдарынан уҡ яҙырға яратыуы ярҙам иткәндер. Был һәләтен үҫтергән өсөн ул уҡытыусыһы, БР Яҙыусылар һәм Башҡортостан һәм РФ Журналистар союзы ағзаһы Рим Риф улы Исхаҡовҡа рәхмәтле. Алһыуға яҙмыш үҙе үҫеш баҫҡыстарын әҙерләп ҡуйған тиерһең: 1-се курсты бөткәс уны «Башҡортостан» гәзитенә эшкә саҡыралар. Бындай тәҡдим һәр бер студенттың ғына түгел, күп журналистарҙың да хыялылыр. Баш тарта алмай ул. Хәҙер әҙәбиәт, сәнғәт, мәҙәниәт бүлеге хәбәрсеһе. БДУ-ның «Шоңҡар» ижади түңәрәгендә әүҙем ҡатнаша, яҙыусылар ижадын өйрәнә, уларҙың әҫәрҙәренә рецензия ла яҙа уңған ҡыҙ. Йыр-моң һөйөүселәргә «Тик һин булһаң», «Яратырмын» йырҙары аша таныш Алһыу. «Юлдаш-хит», «Диско-шоу» йырҙар йыйынтығында йырҙарын да сығарған. Эш, уҡыу уға төрлө йыр конкурстарында, студенттар конференцияларында ҡатнашырға ҡамасауламай. Йәй көнө Дим Мөхәмәтйәров етәкселегендә «Дәртле донъя» проекты менән ярты Башҡортостанды урап сыҡҡан, профессиональ кимәлдә төрлө концерттарҙа, дискотекаларҙа сығыш яһай. Нисек өлгөрә икән ул? «Кеше менән ярышып, сәмләнеп йәшәргә яратам»,- ти ул үҙе. Шуға ла маҡсаты: уҡыу йортон ҡыҙыл дипломға тамамлау. Алдына матур маҡсаттар ҡуйып, йәшлегенең ҡәҙерен белеп, йәшнәп, дәртләнеп, илһамланып йәшәгән ҡыҙҙың бар теләктәре тормошҡа ашырына ышанабыҙ. Афарин, Алһыу!
Айнур Хәсәнов. |
|
| | Напечатать | Комментарии (0) |
(голосов: 1) |
| [26 января 2010] | Просмотров: 49 Автор: nabludatel | Оцени статью! Наведи на шкалу! |
{sms}
{allpages}