 |
 |
 |
 |
 |
| [b]Привет всем! Уважаемые посетители! Ждем от вас новостей! |
| аҡыт һынауын лайыҡлы үтеп | Новости |
| БР Дәүләт Йыйылышы йортонда «Башҡортостан Республикаһы Дәүләт Йыйылышы – Ҡоролтай: Башҡортостан Республикаһы закондар сығарыу системаһы 15 йыл аяҡҡа баҫыу һәм үҫеш юлында» темаһына ғилми-ғәмәли конференция үтте. Унда дәүләт һәм муниципаль власть органдары, Федерация Советы ағзалары һәм Федераль Йыйылыш Дәүләт Думаһы депутаттары, ғалимдар, хоҡуҡ белгестәре, дин әһелдәре, йәмәғәтселек, көс структуралары вәкилдәре ҡатнашты. «Башҡортостан Республикаһы Конституцияһы һәм хоҡуҡ системаһы» доклады менән сығыш яһаған башҡорт парламенты спикеры Константин Толкачев, республика парламентының 15 йыл эшләү осорондағы эшмәкәрлегенә йомғаҡ яһап: «Башҡортостан совет осоронан һуңғы Рәсәйҙә тәүге төбәктәр иҫәбендә демократик, хоҡуҡи һәм социаль дәүләт принциптарын Конституция кимәлендә нығытты. Төп Законда маҡсатҡа ярашлы төҙөлгән республика хоҡуҡ системаһының төп конструкцияһы әһәмиәтенә эйә булған нигеҙҙе тәшкил итеүсе башланғыстар билдәләнде. Ул Рәсәйҙә яңы формациялағы федератив дәүләт төҙөлә башлау һөҙөмтәһендә аяҡҡа баҫты», – тип билдәләне һәм артабан Төп Законыбыҙ – БР Конституцияһының төп йүнәлештәрен һыҙыҡ өҫтөнә алып үтте.Форум сиктәрендә закондар сығарыу эшмәкәрлеге менән бәйле башҡа төрлө мәсьәләләр ҙә ҡаралды. Бөгөн 15 дәүләт һәм йәмәғәт эшмәкәре республика парламентының юғары наградаһына лайыҡ булған. БР Дәүләт Йыйылышы – Ҡоролтайҙың Почет билдәһе һәм Маҡтау грамотаһы менән Башҡортостан ҡануниәте үҫешенә индергән өлөшө, әүҙем ижтимағи-сәйәси эшмәкәрлектәре билдәләнеп, өс кешегә республиканың социаль-иҡтисади үҫеше һәм милли мәғариф өлкәһендә өлгәшкән уңыштары өсөн рәхмәт белдерелде һәм парламент спикерының Рәхмәт хаты тапшырылды. Әйткәндәй, Башҡортостан Республикаһы Президенты Мортаза Рәхимов парламентты юбилейы уңайынан ҡотланы.
Зөфәр ЕНИКЕЕВ, БР Дәүләт Йыйылышы – Ҡоролтайҙың урындағы үҙидара һәм йәмәғәт берләшмәләре буйынса комитеты рәйесе: – БР Дәүләт Йыйылышы – Ҡоролтай республикала халыҡ вәкиллегенең иң яҡшы традициялары эстафетаһын ҡабул итеп, уларҙы лайыҡлы дауам итте, үҫтерҙе, республиканың закондар сығарыу системаһын булдырыуға кереште. Ул саҡта уҡ ваҡыт талаптарына яуап биргән хоҡуҡ системаһын булдырыу кәрәклеге асыҡ ине. Яңы парламент барлыҡҡа килгәндән алып депутаттар корпусы дүрт тапҡыр алмашынды. Һәр саҡырылыш алдында үҙенә күрә актуаль мәсьәләләрҙе хәл итеү бурысы торҙо. Башҡортостандың ижтимағи-сәйәси процестары үҫешкән парламентаризм институты дәүләт-административ идара итеүҙең эҙмә-эҙлекле реформаларын атҡарыуға, йоғонтоло закондар сығарыу системаһын булдырыуға, кеше һәм граждандар хоҡуғы һәм иркенең өҫтәмә гарантияларын тәьмин итеүгә булышлыҡ итеүен күрһәтте. |
|
| | Напечатать | Комментарии (0) | |
| [22 марта 2010] | Просмотров: 42 Автор: admin | Оцени статью! Наведи на шкалу! |
{sms}
{allpages}