| Ҡоролтайға депутат һайлайбыҙ! | Новости » Политика |
| Республика ҡала һәм райондарында ҡоролтайҙар үткәреү графигы раҫланды. Билдәле булыуынса, тап ошо сараларҙа тауыш биреү ысулы менән III Бөтә донъя башҡорттары ҡоролтайына делегаттар һайлау ойоштороласаҡ. Мөһим саранан ситтә ҡалмағыҙ!3 март – Баҡалы, Борай, Хәйбулла, Әбйәлил райондары4 март – Ҡыйғы, Мәсетле райондары5 март – Салауат, Учалы, Шаран райондары6 март – Баймаҡ районы7 март – Сибай ҡалаһы9 март – Бәләбәй районы10 март – Дыуан, Ҡалтасы райондары11 март – Ишембай, Кушнаренко райондары12 март – Балаҡатай, Бүздәк, Көйөргәҙе райондары13 март – Яңауыл районы14 март – Федоровка районы16 март – Балтас, Стәрлебаш, Әлшәй райондары17 март – Краснокама районы18 март – Күгәрсен районы, Октябрьский, Салауат, Стәрлетамаҡ ҡалалары, Өфөнөң Дим районы19 март – Ейәнсура, Саҡмағош, Стәрлетамаҡ райондары20 март – Бишбүләк, Йылайыр райондары23 март – Белорет, Миәкә райондары, Өфөнөң Ленин районы24 март – Өфөнөң Орджоникидзе районы25 март – Архангел, Благовар, Тәтешле, Туймазы райондары, Күмертау ҡалаһы26 март – Асҡын, Ғафури, Дәүләкән, Илеш, Ҡырмыҫҡалы, Мәләүез, Шишмә райондары, Өфөнөң Калинин һәм Киров райондары29 март – Өфөнөң Октябрь районы30 март – Нуриман районы, Өфөнөң Совет районы31 март – Иглин районы4 апрель – Ҡариҙел районы8 апрель – Благовещен районы9 апрель – Ауырғазы, Бөрйән райондары, Ағиҙел ҡалаһы14 апрель – Йәрмәкәй районы15 апрель – Дүртөйлө районы16 апрель – Нефтекама ҡалаһы20 апрель – Бөрө районы22 апрель – Мишкә районы, Межгорье ҡалаһы25 апрель – Өфө районыКем делегат була ала?III Бөтә донъя башҡорттары ҡоролтайына делегат булып 18 йәшкә еткән, хеҙмәткә яраҡлы һәр башҡорт һайлана ала. Делегаттар һайлау, уларға вәкәләттәр биреү – барыһын да фәҡәт халыҡ ихтыяры хәл итә. Район һәм ҡала ҡоролтайҙарының башҡарма комитеттары кандидаттарҙы тәҡдим итеү тәртибен һәм ваҡытын, делегаттар һайлау хаҡында положениеларҙы йәмәғәтселеккә еткерергә бурыслы.Конференцияларҙы үткәреү тәртибен, уларҙа делегаттарҙың вәкиллеге нормаларын Бөтә донъя башҡорттары ҡоролтайының урындағы бүлексәләре билдәләй. Башҡорт ҡоролтайҙары башҡарма комитеттары теләге булған һәр кандидатты конференция эшендә ҡатнашыуға үткәрергә бурыслы.Өстән бер өлөш – йәштәргәРеспублика район һәм ҡалаларының башҡорт ҡоролтайҙары, шулай уҡ Бөтә донъя башҡорттары ҡоролтайының Рәсәй төбәктәрендәге бүлексәләре үҙҙәре эшмәкәрлек иткән төбәктә йәшәүсе башҡорт йәштәренә III Бөтә донъя башҡорттары ҡоролтайы делегаты мандаттарының кәмендә 30 процентын бүлергә тейеш.Район һәм ҡала ҡоролтайҙары, Бөтә донъя башҡорттары ҡоролтайының төбәк бүлексәләре башҡарма комитеттары III Бөтә донъя башҡорттары ҡоролтайына делегатлыҡҡа кандидаттарҙың исемлеген халыҡҡа еткерергә, 1 марттан 25 апрелгә тиклем графикка ярашлы үткәрелгән конференцияларҙа кандидаттарҙың һайлау алды программаһы буйынса фекер алышырға тейеш.Ситтә йәшәүселәрҙе туплауБашҡортостандан ситтә йәшәүселәр араһында III Бөтә донъя башҡорттары ҡоролтайына делегаттар һайлау буйынса конференциялар ойоштороу ошо биләмәләге башҡорт ҡоролтайҙарының башҡарма комитеттары йәки башҡорт йәмәғәт ойошмалары тарафынан тормошҡа ашырыла. Рәсәйҙең башҡа төбәктәренән, БДБ дәүләттәренән һәм сит илдәрҙән рәсми делегациялар башҡорт милләтенән булған делегаттарҙан, шулай уҡ Бөтә донъя башҡорттары ҡоролтайы башҡарма комитеты тарафынан III Бөтә донъя башҡорттары ҡоролтайына әҙерлек һәм уны үткәреү буйынса республика ойоштороу комитеты менән килешеү нигеҙендә башҡарма власть вәкилдәренән тупланырға мөмкин.Делегаттарҙы теркәү бөгөндән башланаРайон һәм ҡала башҡорт ҡоролтайҙары делегатлыҡҡа кандидаттарҙы хәҙерҙән үк теркәй башларға бурыслы. Бының өсөн һайланырға теләүсе кеше урындағы башҡорт ҡоролтайына яҙма рәүештә йәки телдән белдереү яһарға тейеш. Кандидаттар йәшәгән урыны буйынса ҡоролтай башҡарма комитетына анкета мәғлүмәттәрен, 4х5 сантиметр ҙурлығындағы фотоһүрәтен һәм үҙенең һайлау алды программаһын тәҡдим итергә тейеш.
Район һәм ҡала ҡоролтайҙары башҡарма комитеттары 1 мартҡа тиклем III Бөтә донъя башҡорттары ҡоролтайына делегаттар һайлау буйынса конференцияның регламентын, үткәрелгән урынын, көнөн һәм сәғәтен; кандидаттарҙың исемлеген, программаларын, 4х5 сантиметр ҙурлығындағы фоторәсемдәрен, биографик белешмәләрен һәм башҡа мәғлүмәттәрҙе электрон вариантта Бөтә донъя башҡорттары ҡоролтайы башҡарма комитетына ебәрә. Делегатлыҡҡа кандидаттарҙың программалары башҡарма комитеттың интернеттағы рәсми сайтында донъя күрәсәк. |
|
| | Напечатать | Комментарии (0) |  0  |
| [25 февраля 2010] | Просмотров: 3042 Автор: admin | Оцени статью! |
Ҡоролтайға депутат һайлайбыҙ! HTML ссылка на публикацию
[url=http://www.bash-portal.ru/news/politika/577-1184oroltajj1171a-deputat-1211ajjlajjby1177.html]Ҡоролтайға депутат һайлайбыҙ![/url] BB ссылка на публикацию
http://www.bash-portal.ru/news/politika/577-1184oroltajj1171a-deputat-1211ajjlajjby1177.html Прямой адрес публикации
Информация
Комментировать статьи на нашем сайте возможно только в течении 30 дней со дня публикации.
{allpages}