|
Юбилей менән, Йәшлек порталы!!! |
Главная, Новости | |
 Интернет даирәһендә матур бер утрау бар.Башҡорт Порталы тип атала. www.yeshlek.ru адресы буйынса уны эҙләп табырға мөмкин. Республиканан ситтә йәшәүселәр өсөн ул айырыуса ла ҡәҙерле. Сөнки Башҡортостанға ҡасан теләйһең, шул ваҡытта осоп ҡайтҡандай булаһың. Йәнең ни теләй – шуны табырға мөмкин бында. Төрлө жанрҙағы йырҙар тыңларға һәм уларға ҡушылып йырларға, Башҡортостан тәбиғәтен, кешеләрен сағылдырған фоторәсемдәрҙе күрергә, хата Башҡортостанда ниндәй һауа торошо икәнен дә белергә мөмкинселек бар. Республиканың тын алышын шулай уҡ яңылыҡтар бүлеген, «Йәшлек» гәзитен уҡып, тойорға була. Ғөмүмән, бик күп ҡыҙыҡлы һәм файҙалы битләүҙәр бар башҡорт порталында. Уларҙың береһе — Башҡорт форумы. Төрлө темаларға ҡағылышлы уйланыуҙар менән уртаҡлашып, фекер алышырға мөмкинселек бирә ул. Форумдаш-фекерҙәштәр форум рамкаһынан сығып, тормошта ла осрашып, танышып, аралашып, дуҫлашып йәшәйҙәр. Мәҫәлән, беҙҙең форумдаштар йәй һайын йыйылышып, Ағиҙел буйлап сәйәхәт итәләр. Башҡортостан тәбиғәтен күреп, һоҡланып, ғорурланып, көс йыйып йөрөп ҡайталар. Күп кенә тәбиғәт ҡомартҡыларын ҡәҙерләп, уларға сәйәхәт ҡылды форумсылар. Быйылғы ҡыш, иһә, башҡорт форумы изгелек акцияһы менән балалар йорттарында ҡунаҡта булды. Балалар менән бергәләшеп байрам, концерт, спорт ярыштары ойоштороп, уларға шатлыҡ һ.б. матур бүләктәр тапшырҙы форумсылар. Башҡа төрлө бик күп саралар әленән-әле булып тора. Барыһын да телгә алырға оҙаҡ булыр ул. Рәхмәт һиңә Башҡорт порталы! Тыуған республика менән бәйләнеште булдырыуың өсөн. Тамырҙарыңды тойоп йәшәүҙән дә мөһимерәк шатлыҡ юҡтыр ул кеше өсөн. Шулай уҡ бик күп матур, аҡыллы дуҫтар таптыҡ. Дуҫтар – ул беҙҙең ҡанаттар. Тыуған көнөң менән Башҡорт порталы. Бәхетле бул!Лилия һәм Урал Хамитовтар. Уренгой, 2009 год
|
||
| | Напечатать | Комментарии (0) | ||
| [10 февраля 2009] | Просмотров: Опубликовал: admin | Оцени статью! |
Информация
Комментировать статьи на нашем сайте возможно только в течении 30 дней со дня публикации.
{allpages}