| Тәгәрлек | Новости » Слово автору |
| Зөлфәт Фәрит Ғилми дуҫым иҫтәлегенә Һинең ырҙын артынан уҡ Башланған бай һаҙлыҡта, Йәйҙәр яҡынайып килгән Тымыҙыҡ бер яҙлыҡта Минең Яңы Сәйетемә Һинең Уразмәтеңдән Юлға ҡуҙғалдыҡ беҙ, Фәрит, Салт аяҙ яҙғы көндә. Түңгәктән түңгәккә ырғып, Төшкөләп алып һаҙға, Туп-турынан сыҡмаҡ булдыҡ Һәм… аңланыҡ бер аҙҙан — Урау булһа ла, юл яҡшы! Нисек кире сығырға? Пар ҡош шул саҡ асыуланып Беҙ әрһеҙ юлсыларға, Оҙон томшоҡ менән өркөтөп, Ябырылып кинәттән, Ярһып-туҙып осондолар, Башҡа тейер-теймәҫтән! Таныным, былар — һаҙлыҡтың Хужалары ла баһа! — Ирле-ҡатынлы тәгәрлектәр Беҙҙе ҡыуып маташа! Һәм… мин өнһөҙ-тынһыҙ ҡалып, Туҡтап ҡалдым кинәттән. — Фәрит, туҡта! Күр һин быны! Оялары түңгәктә! …Дүрт йомортҡа ята ине Кипкән мүктә — ояла… Шундай ҙа аулаҡ матурлыҡ Булыр икән донъяла! Йомортҡалар һипкел-һипкел Һипкел-һипкел һәммәһе! «Тәгәрлек» тип үртәүҙәре Мине — Хоҙай бәндәһен — Юҡҡа ғына түгел икән! — Оҙон томшоҡ — тәгәрлек — Ошо йомортҡалар һымаҡ… — Күрһәң, иҫең китерлек! — Шау һипкел бөтөн кәүҙәһе! Ныҡлап ҡараһаң әгәр, Тотош һипкел ҡаурыйҙары — Һиртмә тәпәйгә ҡәҙәр! Да-а… беҙ аҙаштар икәнбеҙ… Һис белмәҫтән беҙ бына Һиҙгәндәй килеп кергәнбеҙ Һаҙлыҡстан иленә! Йә, киттек беҙ… Ҡурҡмағыҙ! Уйламағыҙ әллә ни! Икегеҙгә икешәрҙән Бирһен Хоҙай дүрт бәпәй! Ҡабат килеп сыға ҡалһаҡ, Һаҙҙағы түңгәк һайын Оя ҡорҙорһон һеҙҙәргә Бер үк кенә, Хоҙайым! Әллә ни түгел ул Бәхет… Ҡуш усҡа ла һыя ул! Түңгәктәге ышыҡтағы Йылы, аулаҡ оя ул… Шул аулаҡты тойор өсөн Һаҙлыҡтар үтерлек тә! …Юлыҡһын бәхет эҙләүсе Шул ике тәгәрлеккә!
1990 |
|
| | Напечатать | Комментарии (0) |  0  |
| [22 февраля 2011] | Просмотров: 582 Автор: admika | Оцени статью! |
Тәгәрлек HTML ссылка на публикацию
[url=http://www.bash-portal.ru/news/newsotavtora/2889-t1241g1241rlek.html]Тәгәрлек[/url] BB ссылка на публикацию
http://www.bash-portal.ru/news/newsotavtora/2889-t1241g1241rlek.html Прямой адрес публикации
Информация
Комментировать статьи на нашем сайте возможно только в течении 30 дней со дня публикации.
|
«Йэшлек» гэзите сайтынан янылыктар: |
21 быуат сайтынан янылыктар: |
{allpages}
