Алма бәлеше
3 йомортҡа, 1 стакан шәкәр, ярты ҡап йомшаҡ аҡ май, аш һеркәһе менән һүндерелгән ярты балғалаҡ сода, 1 балғалаҡ йомшартҡыс (разрыхлитель), 2 – 3 алма, аҙыраҡ йөҙөм дә алырға мөмкин, 1,5 стакан он.Бөтә ингредиенттарҙы ла бергә бутап, туралған алманы ҡушып, ярты сәғәткә мейескә ҡуйырға. Иҫкәртеү өсөн: йомортҡаның ағы менән һарыһы тәүҙә айырым туҡыла ла, һуңынан ғына бергә бутала.Ашҡабаҡ татлыһы
Ашҡабаҡ, ваҡланған әстерхан сәтләүеге, бал йәки шәкәр сиробы.
Ашҡабаҡты ҙур ғына өлөштәргә бүлеп бешерергә (иғтибарлы булығыҙ – ул тиҙ генә иҙелеп бара!). Һыуынғас, тәрилкәгә һалып, өҫтөнә бал ҡойорға һәм сәтләүек һибеп сығырға. Бик татлы десерт килеп сыға.Сырлы канапе
25 крекер печеньеһы, ярты килограмм ҡаты сыр, 3 аш ҡалағы йомшаҡ аҡ май, бер семтем төйөлгән ҡыҙыл борос, тарттырылған әнис, 3 – 4 петрушка, йәшел һуған ҡыяғы, 10 һөйәкһеҙ зәйтүн емеше, татлы ҡыҙыл борос (эре булһа, бер-икеһе лә етә).
Сырҙың яртыһын иҙергә, туралған йәшел һуған, аҡ май, әнис менән борос ҡушып бутарға. Ошо сырлы массаны кондитер шприцы менән крекерҙың өҫтөнә тау рәүешендә һығырға. Канапеның өҫтөнә ҡырғыстан үткәрелгән сыр һибергә, зәйтүн емешен йомро итеп ҡырҡып теҙергә, ҡыҙыл боросто берәй формаға килтереп, «тау» тирәһен биҙәргә (һүрәтте ҡарағыҙ). Петрушканы ла биҙәү өсөн ҡулланырға.