| Новости » Культура | ||
 Беренсе каналда популяр булган «Тауыш» телевизион вокаль конкурсы тарафынан быйыл тиҙҙән «Бала тауышы» старт аласаҡ. Унда Рәсәй һәм күрше илдәрҙән талантлы балалар үҙҙәренәң вокаль һәләттәрен күрһәтергә Мәскәүгә йыйылды. Һигеҙ мең ярым балалар араһынан иң-иңдәре тип тик 150 бала ғына һайланды. Шулар араһынан яҡташыбыҙ — Ауырғазы районы Талбазы ауылы ҡыҙы, район мәҙәниәт һарайында «Турғай» студияһында шөгөлләнгән Рушана Вәлиева конкурста ҡатнашыу хоҡуғын алды.Үҙенә 14 кенә йәш булыуына ҡарамаҫтан Рушана бар яҡлап та өлгөр, тырыш, талантлы ҡыҙ. Бәләкәйҙән йыр-бейеүгә маһир ҡыҙ Башҡортостанда ҡына түгел, Рәсәй кимәлендә лә күп конкурстарҙа ҡатнашып урындыр алды. Гитара, скрипка ҡылдарын оҫта сиртә.«Байыҡ» бейеү конкурсында коллектив бейеүҙәре юғары баһалана.Тик «5» билдәләренә өлгәшкән ҡыҙ тағы ла үҙенең ваҡытын дөрөҫ бүлеп бар мәктәп олимпиада, конкурстарында ла ҡатнашып өлгөрә. Буш ваҡытын да тик файҙалы үткәрә тырыша. Ата-әсәһе, ағаһына оло ярҙамсы ул.Йырҙарҙы инглиз телендә саф, матур итеп башҡарған ҡыҙ интернет селтәрендә яңыраҡ ҡына «The Best Сover Songs — Лучшие Каверы» тигән конкурста беренселекте алып электрон гитара менән бүләкләнде.Әле «Бала тауышы» проектына эләккәс тә бар тырышлығын һалып, съемкаларға ныҡлы әҙерлек башланы Рушана һылыу.Рушананы ошо проектҡа эләккәне өсөн ҡотлайбыҙ, оло үрҙәр яулап, Башҡортостан данын яҡлап , еңеү көтөп ҡалабыҙ.
Ә беҙ инде яҡташыбыҙ Рушана һылыу өсөн янып-көйөп , уға көс-ҡеүәт, илһам биреп торайыҡ!!!
|
||
| | Напечатать | Комментарии (0) | ||
| [17 октября 2013] | Просмотров: Опубликовал: admin | Оцени статью! |
Информация
Комментировать статьи на нашем сайте возможно только в течении 30 дней со дня публикации.
{allpages}