 |
 |
 |
 |
 |
| [b]Привет всем! Уважаемые посетители! Ждем от вас новостей! |
| «Юлаевсы»лар Бөйөк Ватан һуғышы Ветерандарын ҡотланы! | Новости |
 18 майҙа Октябрь районының, Данилов Денис Алексей улы етәкселегендә, «Юлаевсы» үҫмерҙәр клубы Бөйөк Ватан һуғышына арналған отчет концертын тәҡдим итте. Тамашаға Бөйөк Ватан һуғышының Ветерандары һәм тыл Ветерандары саҡырылды. Байрам тантанаһын №8 музыка мәктәбенең Халыҡ ҡоралдары милли оркестры «Еңеү көнө» йыры менән асты. Һуңынан үҫмерҙәр клубтың педагогы Исламова Зөбәйҙә Минулла ҡыҙы ҡотлау һүҙҙәре менән сығыш яһаны. «22 июнь иртәһе» исемле сценкаһы беҙҙе һуғыш йылдарының минуттарына сумдырҙы. Ә ул — мөхәббәт, хушлашыу, әрнеү, ҡайғы, өмөт, юғалтыу һәм күҙ йәштәр менән тулған шатлыҡ тойғолары… Буранова Әльмирә Сәбит ҡыҙы етәкселегендә «Башҡорт сувениры», «Бөрйән ҡыҙҙары», «Хуторянка», «Зәңгәр яулыҡ», «Иллюзия» бейеүҙәре күрһәтелде.Артур һәм Тумур Зариповтар ҡуйған һәм үҙҙәре бейегән «Street dance» бейеүе барыһына ла оҡшаған кеүек тойолдо. Әйткәндәй, бөгөнгө көндә, бындай урам бейеүҙәре йәштәр араһында бик популяр. Егеттәрҙең шул тиклем һәйбәт энергия менән тулған күңелдәре йылмайыуы һәм хәрәкәттәре аша күрһәтелде. Унан башҡа тәжрибәле тренир Хабибов Тимур Рифкат улы етәкселегендә таэквон-до приемадары ла ҡыҙыҡлы үтте.Тамашаның аҙағында үҫмерҙәр Бөйөк Ватан һуғышында ҡатнашыусылар алдында оҙаҡ итеп баш эйеп торҙо. Концерттан һуң ҡәҙерле Ветерандарҙы ЖЭУ №18 байрам өҫтәле артына саҡырҙы һәм ҡиммәтле бүләктәр менән бүләкләне.«Юлаевсы» клубында шөғөлләнгән үмерҙәрҙең береһе Хәсәнова Зарина Рәфис ҡыҙы: — «Юлаевсы»ла миңә бик оҡшай. Был клубта үҙемә яңы дуҫтар таптым. Мин «Ынйы» ижади төркөмөндә шөғөлләнәм. Бында йөрөй башлауым менән оялсанлығым юғалды һәм актер юлын һайларға теләгем тыуҙы. Биктимирова Эльза Йәлил ҡыҙы:- Мин «Арт-дэнс» бейеү түңәрәгенә йөрөйөм. Беҙҙә бында егеттәр ҙә ҡыҙҙар ҙа бик дуҫ. Бергә ултырып сәй эсеп алабыҙ. Ҡайһы бер саҡта, өйгә эштәрҙе лә бергә эшләйбеҙ. Интернет селтәрендә контакта «Юлаевсы» тип аталған төркөм өҫтәнек. Унда беҙҙең төрлө сараларҙа ҡатнашҡан фотолар, видеоматериалдар ҡарарға һәм мәҡәләләр уҡырға мөмкин. Бына шундай талантлы үҫмерҙәр «Юлаевсы» клубына йөрөй. Иң мөһиме – бар түңәрәктәр бушлай. Ә үҫмерҙәрҙең күбеһе волонтерҙар рәтендә.
Резеда Әхмәҙиева |
|
| | Напечатать | Комментарии (0) |
(голосов: 13) |
| [20 мая 2010] | Просмотров: 110 Автор: admin | Оцени статью! Наведи на шкалу! |
{sms}
{allpages}